NORen Euskarazko Hedabideak

NOR taldearen Euskarazko hedabideak liburua, Edorta Arana, Patxi Azpillaga eta Josu Amezagaren eskutik idatzita, eskuragarri dago EHUren web tokian.
Berria Berriak eman zuen eta NOR taldearen tokira garamatza, PDFak eskuratu ahal izateko, lau hizkuntza hauetan:

• euskaraz
• gaztelaniaz
• ingeleraz
• frantsesez

Urtea ondo hasteko material interesgarria ezta?

Twitter & Facebook komunikatzeko

Unibertsitateko kide batzuek zerbitzu berritzaile bat pentsatzeko aukera eman didate. Beharra hauxe da: euskaraz ematen den ikastaro batean ez dute itzulpen simultaneorik egiteko diru nahikorik. Nola gainditu arazo hau?

TWITTER + FACEBOOK
Nire proposamena bikoitza da,

1. gaur eguneko bi tresna erabiliz (twitter & facebook),
2. eta web 2.0an pertsona aritu bat hartuz

• kazetari bat edo tekniko-aritu bat jarri twiterren mezuak bidaltzen
• Aurkezpenetako irudiak izan, agertzen direnean Facebooken argitaratzeko
• mezuak beste hizkuntza batean jarri: eusakratik erderara, edo ingelesera

Honela lortzen dena helburu bikoitza da

• ikastaroaren presentzia lokalean ezezeik, internetera zabaldu
• ikastaro barruan daudenak jarraitu ahal izatea, hizkuntza ez menperatu arren

Zer deritsozue?

Rebeca Rus Komunikazio Femeninoan

Rebeca Rus zuzeneko emanaldian
Live Broadcasting by Ustream

Komunika Femeninoan

Jesus Alonsok ireki du Komunikazioa Femeninoan lehen jardunaldian

Jesús Alonso - Mujeres De Persuadir A Convencer

View more presentations from Rethink.

Beyonceri Merezitako saria

Beyoncé kantariak merezitako saria jaso duela uste dut nik. Aurtengo Grammy lehiaketan dozena erdi eskuratu omen ditu. Begira ze abesti polita eta dantza ikusgarria. Zer gogoratzen dizu?

Euskal lerroak abian

Nostalgiagatik edo merezitako ohoreagatik, unibertsitateko ikasle ohi batuzk ekimen hau jarri dute martxan: blog batean biltzeko asmoa dute hasiera hartako oroimenak eta pasadizuak.
Eta Martxoaren 5ean ekitaldi gogoangarri bat.
KONTAKTATU
Belaunaldi horretakoa bazara zu ere, eraiekin kontaktuan jarri zaitezke, blogaren bidez edo Murua jaunarekin harremanetan jarriz.
Hortxe dago erronka berria: abian jarri orduko abiatzaileak? abiadoreak? abilak?
Auskalo! Baina jarri kontaktuan.

Urte berria oparoa & emankorra

Ikusentzunezko komunikazioaren ikasketak 2.009 urtean nirekin bukatu zuten guztiak gogora ekarri nahi ditut (Facebooken ere etiketatuta daude banan-banan).
URTE OPAROA & EMANKORRA
Eta urteberriko desiorik onenak guztiontzat: Nagore, Leire, Josu, Olatz, Naia, Ander , Maider, Paula, Lur, Irati, Josu B Alaia, Juantxin, Marta, Ainara, Nerea, Maddi, Iker, Ekhiñe, Javi, Itxaso, Elena , Enara, Eztizen, Mikel, Ibon, Alvaro....
2.010ean ekoizpen politak eta multimedia interesgarriak egin ditzagula desiatuz. Animo gazte!

Matrixen heroia nola eraikitzen den

EHUko ikasketak bukatzeko, Flora Marinen ikasgaia gainditzeko, Matrix pelikula ikusi eta aztertu egin nuen, heroien eraikuntza nola egiten den aztertzeko. Hona hemen nire lana!

Errektore berriaren hitzak

Joan den urteko Zientzia Astearen hasiera ekitaldian, Inaki Goirizelaiaren hitzak grabatzeko aukera izan nuen, piper eta gatzez beterik (esaldiak irakur ditzakezu GoogleDocs-en).
Errektore berria aukeratua izan den momentuan, gogora ekarri nahi ditut, umore pixka batez, etorkizunari itxaropenez begiratu diezaiogun. Animo eta zorte on Inaki!

GEHIAGO JAKITEKO/EGITEKO:

• Berria Aupatu blogosferan (gustokoa baduzu)
• Ikusi Iñaki Goirizelaiaren datu profesionalak Elektronika eta Komunikazio sailean
• Bisitatu 2007ko blogaren sarrera bere bideoarekin
  
• Ikus Goirizelaiaren proposamenak bere hautagaitzaren orrian
  

Eee PC bat konfiguratzeko CIDIRen laguntza

Jorberi eskatu nion laguntzeko baina....
Azlenean M@ken laguntzari esker argitu da bidea.
Blogspiriten blogaria CIDIRen dago orain su-ta-gar, eta bere aholkuak hauexek izan dira:

• Alacanteko unibertsitatera jo azalpen bila, Wifi bidezko Eduroam hobeto ezagutzeko
  
• Eeeuser orriarekin konektatzea

Ea oraingoan argitzen naizen/garen. Kontatuko dizuet

SLUN08 & euskara

Iñaki Alegriak Software Librea eta euskara aztertzen ditu, berak eta Juanan Pereirak idatzitako artikuluarekin hasiera emanez.
Orain arte emandako pausuak aipatzen ditu, orain arte (jardunaldi hau baino lehen) zenbait pausu eman direla:
* bai sistema eragileak euskaratzeko (windows eta linux) lehena hezkuntza sailarekin eta bigarrena kultura sailarekin
* bai software produktuak euskaraz jartzeko

Gogora ekartzen du Sustatun argiratatutako berrria: Jaurlaritzak SLri ezetza eman zionekoa.
Euskarazko software katalogoa aipatzen du ere, Udako Euskal Unibertsitatean eskaintzen dena.
Jarrian, Web 2.0 komunitatea eta sare sozialak aipatzen ditu, hauetan SLa nagusia dela aitortuz: blogari, nirebloga...
Prestakuntza ekintzaq bezala asmoz erakundearekin antolatutako ikastaroa ezagutrzera ematen du.
SLren aldeko Masa Kritikoa aipatzen du, baina arazoa non dago: fisikan ala etikan?

• Hard gutxi daukagu (euskaldunak),
• softa teknologietan jende alfabetatua izango litzateke (hackerrak edo)
• ekintza auzolanean ibiltzea da, lan ezberdientan inplikatuz kolaboratiboki

Honela gero eta masa gehiago, baina batez ere jarrera kritiko batez aritzea behar dugu.

Euskal Zinema aztergai

Euskal Zinema ba ote dagoen, eta balego, nolako osasuna daukan azteretzeko eskatu digu IEKom teoriaren irakasleak.
Ez da gai xamurra baina ekingo diot honela:

• definizioa eztabaidatu: berdina al da Cine Vasco eta Euskal Zinea? Segun eta norentzat...
  
• historiari begira jarri, azken ehun urteko bilakaera ikusteko
• Kultura sailaren jokaerak aztertu, Jaurlaritzak eskumen hori eskuratu zuenetik (1.981ean)
• hemendik aurrerako erronkak aztertu eta zehaztu.

ZER DA EUSKAL ZINEMA?
Hemen egiten dena, hemengo jendeak egiten duena, ala hemengo enpresak egiten dutena. Kasu gustietan ez dut erabili hizkuntzaren gaia, konplikazio gehiago ez sartzeko definizioan. Argi dago ikuspegi anitza erabili behar dugula, teknologi berri/gazte hau, eta ekoizpen kultural unibertsal haa epaitzeko momentuan. Ez digu balio beste produktuekin erabiltzen diren irizpide berdinak (tokia, egilea, hizkuntza).
Baina argi dago "erderaz" pentsatzen dutenek errezago daukatela.
Euskal Zinea? "El cine vasco" eta kitto!

HISTORIA PIXKA BAT
Juan Miguel Gutierrezek RIEVen argitaratu zuen "Euskal Zinea, Cine Vasco" artikulua jarrituko dut, 5 aldi ezberdin zehazteko:

1. HISTORIAURREA: Lumiere anaiek sortu zutenetik Gerra Zibilerarte. Filmerik ipagarriena El Mayorazgo de Basterretxe da, 1928an Azkona anaiek egina
   
2. BASAMORTUA ZEHARKATZEN deitzen dio Gutierrezek 1937tik 1968 arteko garaira, Francoren diktadurapean euskal kulturaren adierazpenik apenas egon zelako
3. ZINEMA MILITANTEA Ama Lur filmaren ondoren etorri zen garaiari aplikatzen dio, egoera soziopolitikoa bezalaxe, zinema munduan ere pilpilean egon zelako
4. DIRUZ LAGUNDUTAKO ZINEMA deitzen dio Gutierrezek gobernu autonomoak, 1981ean egoera politika berriarekin eta abtez ere kultura sailaren subentioei esker egin zen zinema ekoizpenari. Tartean Euskal Media, amigismo zeritzon jokaerak, ko-produkzio instituzionala, eta telebistaren eragina... gertatuko dira
   
5. BALORE BERRIAK esaten dio ikerleak gazteek egindako iraultzari, hots, Julio Medem, Enrique Urbizu, Juanma Bajo Ulloa, Alex de la Iglesia... beste batzuen artean, Madrilera eta besete herrialde ezberdinetara jo zutelako, hemen ezin zutena egin ekoiztu ahal izateko.

ERRONKAK: ORAINGOAK ALA BETIKOAK?
Eusko News-en Kepa Sojoren artikulu bat irakurri ondoren, Euskal Zinemak erronka handiak dauzkala konturatu naiz. Baina saiatuko naiz zehazten!
Ekoizpen modu berrietara egokitu behar da zinema: industria kultural bat bezala jokatu behar du mundu globalizatu batean.
Eta bere narratiba propioa sortzen/bilatzen saiatu behar da. Ez al dago mundua begiratzeko eta adierazteko modu berezirik?

Baina etsaiak (konpetentzia?) handiak eta indartsuak dira: nola mantenduko da

• zine txiki bat,
  
• hizkuntza gutxitu batean,
  
• esparru geografiko txiki eta administrazio ezberdinen azpian?

Nire ustez beti bezala: sormena eta kreatibitatea adieraziz eta bide berriak urratuz.
Gai izango al gara zinemagile berriok (gazteek?) erronka horri aurre egiten?
Etorkizunak esango.
OHARRA: gogokoa baduzu gaia, Aupatu blogosferan.

Zer nahi duzu izan/egin Interneten?

IEKom amaitzeko galdera honi erantzutea baino ez zaigu falta:

• zer demontre izan nahi duzu eta
  
• ze arraio egin bahi duzu Interneten

Eta erantzuten laguntzeko pista batzuk jarri ditut GoogleDoc batean:

• Gorka Juliok (Teketen)-ek egiten duen baieztapena: teknologia + jarrera bat
• Anibal de la Torre (Adelat)-en aurkezpen bat eskema xinple hau adieraziz
• Iratxe Esnaolak 2.0 kontzeptua zer den azaltzen

Orangek oso arin aldarrikatu zuen eskubide hau ezta?
Zuk eskubidea duzu Internet izateko... baina ordainduz klaro; gure bezeroa baldin bazara!

Udaberri Galdua finalista

Gerra Zibilaren historia dokumentatzeko gidoi bat aurkeztu nuen EikenBANK lehiaketan.
Eta pitching bat egiteko gonbitea luzatu didate: FINALISTA geratu da, beste lau proiekturekin batera.

Sekulako estimulua da nire IEKom ikasketak bukatzeko eta datorren urteko lanerako: posiblea izango dut/dugu:

• dokumental bat sortu eta
  
• material mutimedia bat egin

1936/37ko gerra ulertzeko eta alperrik galdu zen udaberria ber-interpretatzeko?
Laster jakingo dut/duzue/dugu!
Adibide bezala, Galdakotar Blogean argitaratu ditudan bideotako bat: Moises Jugo nola hil zen argitzen duenekoa

IEKom teoria Katixaren eskutik

Ikusentzunezko Komunikazioan teoria behar beharrezkoa da. Gizarte & Komunikazio Zientzien fakultateak horrela uste dute, eta 8 kredito dituen gaia ematen dute; aurten irakasle gaztea eta zorrotza izan dugu klaseetan.
Katixa Agirrek gai hau emateko aurkezpen zehatzak bezain argiak erabiltzen ditu, eta SlideSharen konpartitu. Adibide bezala Argazkigintzaren Historiako ikuspegi kritiko hau dugu.

| View | Upload your own

Bideoak editatzeko

Virtual Cutter interneten dauden bideoak bere puntuan ikusteko sistema dela adierazi du Xabier Basogaoin EHUko irakasleak.
Sclipo ere aipatu du, zenbait portaletan argitaratzeko sistema bezala.

Gehiago jakin nahi baduzu, jarraitu Moot08 etiketa Technoratin

Informazioa ala spam ez-etikoa

EHUko Gizarte & Komunikazio Zientzien fakultatean, "informazioa zabaltzeko" sistema bikaina asmatu dute: gure kontu pertsonaletara emailak bidaltzea, klaseko ordezkarien bidez!

Zalantzan jarri badezakegu praktika hau, oso etikoa ez dirudielako, zer esan dezakegu idazteko moduaz?
Adibide moduan, begira email hau, ondoko irudian ikusi dezakeguna: 50 pertsona baino gehiagoren emailak, modu irekian eta inolako babesik gabe!

GOGOETARAKO BETA
Gai asko korapilatzen dira hemen; eta interesgarria litzateke lasai eta argi hitzegitea. Adibidez mahai-inguru edo elkarrizketa bat antolatu dezakegu, adituren batek moderatuta, gauza hauek argitzeko:

1. Pertsona guztien kontuak agirian gelditzen dira, inolako pribazitaterik gabe: datuen babeserako arauak kontuan hartzen dira? Ez dago beste modurik, modernoago, indibidualizatuago, eraginkorrago... hau egiteko?
   
2. Ikasleok "eskatu-gabeko" informazioa jasotzen dugu, gure lagun edo ikaskide baten kontuaren bitartez: klaseko ordezkarien papera hauxe da/izan behar du?
3. Informazio guztia web orrian argitaratuta dago, eta jasotzen duguna zera da: PDF dokumentu bat, jatorrizko iturrira garamatzan esteka batekin. Bidai hau egiteko "horrenbeste zama daraman astoa" behar dugu?
4. Giz&Kom fakultatean ikasleak hartzaile besterik ez dira? Ba al dago paper interesgarriagorik edo sortzaileagorik, edo komunikatzaile aktiboagorik hartu dezakeena?

Guzti honi erantzuteko... zeure partaidetza & iritzia behar dut/dugu!
3. mailako ikasle propositibo batek, adibidez, posta zerrendak eta RSS sistema erabiltzea proposatu du, sistema zaharkitu hau gainditeko!

Moodle Moot08 Arrasaten

Aurtengo Euskadiko Moodle topaketa (Moot08) Arrasaten ospatuko da, Maiatzaren 23an.
Eta IKTen erabilpenaren azterketa bat aurkezteko aukera izango dut.
Cesar Collek Bartzelonako V Congres Multimedia Educatiu-n eman zuen hitzaldi batean oinarrituta, zenbait erabilpenen azterkea egiten saiatuko naiz.
Nire aurkezpena hementxe daukazu/e ikusgai.
Gehiago jakiteko/egiteko jarraitu Moot08 etiketa Technoratin, edo ikusi beste aprendices taldeko kideek egin dituzten postak.

Corto Express unibertsitatean

Emedia Comunicación, Leioako EHUko Gizarte & Komunikazio Zientzietan, Kazetaritza fakultatean Corto Express delako lehiaketa antolatu dut.
Besteak beste, Josi Sierrak egindako 7 minutu bideo-muntaia ikusgai egongo da.
Datorren astelehenean, Maiatzak 5ean goizeko 10etan proeikzioa eta bozketa izango da.
Animo eta joan zure botoa ematera: adibidez, nire kortoa express-ari!

Martxoaren 8: emakumeen eguna

Martxoaren 8ko berdintasunaren mezua aldarrikatzeko, Galdakaoko Udalak kartel lehiaketa bat antolatu zuen.
Eta lan pare bat aurkeztu zuen Josi Sierrak bertan.
Orain erakusgai daude lan guztiak Torrezabal kultur etxean. Otsailaren 25etik Martxoaren 7ra.
Hona hemen bertan ikusi daitekenaren isla bat. Animatu zaitezte bertara etortzen eta ez zarete damutuko!