Bideo asko YouTuben

Zer nolako berri kaxkarra: YouTuben bideo asko dagoela edozeinek daki! Baina ondotxo dakizunez, Web 2.0 tresnak "beta perpetua" kategorian daude; YouTuben ere. Orain arte:

• oso mugatuta egon da igotzeko modua (banan bana igon behar ziren)
• argalak izan behar ziren: 100 MB baino arinagoak.

Luzera orain eta lehen ere, 10 minutukoa badaere, bideo asko ekoizten baduzu batera, oso ondo etorriko zaizu Multi-Video Upload sistema.
Berriki jarri dute martxan YouTubekoek, eta nire lehen igoera anitza egiten dudan artean, horren berri ematen dizuet. Esperientzi gehiago dudanean, bere trikimailuak kontatuko dizkizuet. Bitartean, erderaz artikulu hau irakurri dezakezu, gehiago jakiteko; Julen Iturbe nire lagunak aholkatu zidan eta ondo dagoela uste dut. Eta disfrutatu daukagunarekin: dohainik da-ta!
Hona hemen sistema honekin igon dudan lehen bideoa: Xabier Eskizabel da, Zientzia Astearen Wikipedia Euskaraz Blai lehiaketan saritutako bat.
Berri hau zabaldu nahi baduzu, segi esteka Zabaldu.com-eraino

Hezkuntzaren Curriculum berria

Euskalduna Jauregian Hezkuntza Curriculum berria aurkeztu da Uztailaren 3an.
Sailburuaren sarrera eta aitorpen pertsonal unkigarri baten ondoren:

• Alejandro Campo "Las Competencias educativas en un nuevo contexto histórico y conceptual" gaia azaldu zuen.
• Xabier Garagorrik "Konpetentziak Curriculumaren diseinuan" gaia jorratu zuen.
• Jesus Mari Goñik curriculum diseinu honen ondorioetaz hitz egin zuen, zehatz eta zorrotz.

Atsedenaldi baten ondoren, Goñik eta Garagorrik aukerak eta arriskuak aurrikusi zituzten mahai inguruan Camporen ekarpenekin aberastuz. Bertan azaldutako aurkezpenen argazkiak Picasan jarri ditut, banaka edo aurkezpen bezala ikus ahal izateko, ondoko hau bezala.

Jardunaldia bukatzeko Javier Granja ikuskariak "Principales rasgos de identidad del nuevo decreto de currículo de la CAV" gaia aurkeztu zuen.
Berri hau interesgarria aurkitzen baldin baduzu, blgosferan zabaldu dezakezu Zabaldu.com atarian