Amarauna sarean entzungai

Asteburuetako saioen artean Amarauna da izarra: Euskadi Irratian, larunbat-igandeetan goizaren zati on bat ematen dute jendea amaraunean sartzeko asmoz. Eta lortu dute; blogeroekin bederen.
Igandero 10:30etatik 11etara bitartean 3 blogari joaten omen da sarea zabaltzeko asmoz.
Oraingoan uhinetan ezezik, podcastean ere entzun daiteke. Ongi etorria jendea sarean sartzeko/harrapatzeko modu berri hau.

Saio guztiak entzunahal izateko podcasta hemen daukazu, harpiedetza egiteko.

Amaraunean erortzeko erraztasunak

Teknopata baten blogean, Joxe Rojasen eskutik, Amarauna saioan erortzeko gero eta erraztasun gehiago topatu ditzakegu (Bentxiren Argazkian Joxe & Josi Eitbren estudioan).
Bere disko gogorra programatu eta igandeko saioa grabatu egin zuen.
Ondoren bere blogean argitaratu podcast moduan, denok entzun ahal izateko, eta horrez gain, jorratutako gaiak, banan banan aipatu.
Eskerrik asko Joxe, eta Amarauna saioko kide eta kolaboratzaileei.
Segi horrela: fin eta bizkor!

GEHIAGO JAKITEKO/EGITEKO:

• Ikusi Bontxiren argazkiak Flickren
  
• Jarraitu Amarauna etiketa Technoratin
• Kontsultatu zer den podcast bat Wikipedian
• Ikusi irratiko emisioa.... Amarauna Telebistan(??)
  

IKUSTEKO EMISIOA...
Stream videos at Ustream

Windowsekin halabeharrez

Gaurko Amarauna saioan, Jakintza ikastolako bideoa komentatzen genuene artean, Paco Riviere irakaslearen kasua agertu da: Windowsekin betirako eta halabeharrez behartuta egoteko kondenatu dutelako. Ez duzula sineste? Irakurri hau!

SOFTWAREA & HARDWAREA BANAEZINAK
Pacok PC City denda batean Samsung eramangarri bat erosi zuen 2005 urtean. Eta aurre-instalatutako Windows sistema ekarri zuen berarekin.
Riviere jauna saiatu zen sistema eragilea "itzultzen" eta ezin izan zuenez, tribunaletara joan zen.
Bi urte bueltaka ibili ondoren, arrazoia kentzeaz gain, tramite guztien "kostuak" ordaintzeko zigorra jarri diote ere.
Zer deritsozue gertatutakoari? Hamaika ikusteko (eta jasateko) jaio gara.
Baina Windowsekin ere??? Linuxen askatasuna aldarrikatzeko, Jakintzako umeak daude.

I'm a PC from jakinmin on Vimeo.

GEHIAGO JAKITEKO/EGITEKO

• Zabaldu berri hau blogosferan
• Aupatu gaia
• Irakurri Paco Riviereren informazioa
  

Irratia & telebista batera

Amarauna saioa ikus, entzun eta parte hartzeko erreztasun guztiak jarri nahi dituzte.
Igande honetan sare-birtual-radio-foniko totala sortu nahi dute, blogari eta entzule guztiak harrapatzeko asmoz. Ea nola ateratzen zaien.
Stream videos at Ustream

Amaraunean erori garela ikusteko...

Nire amamak esaten zuen: hamaika ikusteko jaio gara!
Eta egia zen/da: amaraunean erori nintzela esan nizuen; eta oraingoan ikusi ahal izango duzue.
Joxe tekno-frikiak froga bat jarri digu, eta gainditzeko puntuan nago.
Norbaitek aguantatuko al du pantaila aurrean, irratian esaten ditugun kontuak entzun artean??
Hamar mila baietz!

Amaraunean liatu naiz

IEKom ikasketen lagun batek aipatuta, Euskadi Irratiko Amarauna saioan parte hartu dut.
Bi blogari trebe izan ditut ondoan: Joxe eta Bontxi.
Eta di-da baten lehen saioa zepilatu dugu, bakoitzaren aurkezpen xume bat egin ondoren, ondoko gaiak jorratuz:

• Second Life eta mundu birtual horretan Euskararen Kultur erakundeak egin duen aurkezpena
  
• Youtuberen Nire Izenean edo "In my name" ekimenaren gorabeherak
• Euroganberan blogei buruz hitz egin eta onartu dena: esaten dena eta idatzi dutena... ez da berdina; beraz iritzia sortzeko gehiago eztabaidatu beharko da! Gai honek soka ekarriko du, blgosferan bederen.
  

Konturatu ginenerako, hamaiketako berriak etorri ziren eta... lehen eguneko tartea amaituta!
Bertan egon ginela frogatuta gelditu dadin, argazki pare bat atera eta... hurrengorarte!

Gehiago jakiteko/egiteko/liatzeko:

• Segi amarauna etiketa Technoratin
• Zabaldu gaia euskal blogosferan
  
• Aupatu berria blogosferan
  
• Irakurri Teknopataren blogean Joxe Rojasek esaten/idazten duena
• Jarraitu Bontxiren lanak eta planak euskararen munduan
• Euroganberaren prentsa oharra irakurri, onartutako dokumentua ikusi, eta blogero batzuen iritziak begiratu.
• Ikusi ateratako argazkiak, eitbko estudioan